相處之道。。
"你倆總俾人覺得…相處好開心, 好快樂, 好螎合 !!!
究竟, 有冇試過嘈交, 炒大鑊呢 ?"
"求知慾好強"既網友No Doubt今日問左我呢個問題。。
我就響度諗。我同weak7幾時嘈過交呢~~???
答案就係。。開始拍拖既第一個禮拜左右。我地嗌過一次交。。
然後直到而家。都無話嘈過交了。仲一日比一日珍惜大家。。
究竟點解會咁呢?? 其實我都好想知。。
不如講下我地兩個人既性格同相處之道。。
等我自己第時愈變愈野蠻。都記得以前係點。有得跟返。。
我同老公都係好怕麻煩既人。都唔鐘意嘈交。講野大聲。或者黑面。。
我地好明白"己所不欲。勿施於人"呢個道理。拍拖時做所有野前。
諗一諗如果受既係自己。又會唔會開心呢~~???
就係咁。我地拍拖都好尊重對方。。
明白要得到一段好關係。就要放棄花花世界。。
花花世界。曖曖昧昧。當然過癮。但明知會失去對方。又係咪值得呢??
我地初時拍拖。為左呢D花花野嘈過一次。之後。。
我地就連Friendster都兜走埋。幾百個朋友全部揾唔番。都係好既。。
係直至大家感情穩定左。先開始揾返D異性朋友。仲要係無傷害性果隻﹗
即係女仔呢。就唔淮靚女既。把聲又唔好姣既。又要有男朋友既。。
男仔呢。就細過我既。唔靚仔既。唔大隻既。又要有女朋友既。。
哈哈哈~~~~~~ 係喇係喇。即係好安全果D呢~~~~~~
再講。老公未做呢份工之前。我都好辛苦下架﹗﹗
果時佢讀返書。我就一路讀Full-time。又打兩份工。。
不過算佢啦。一返呢份工就叫我唔好再做part-time喇。淨係讀書啦~~
所以而家先咁嘆咋~~ 哈哈~~ 都有D苦盡甘來。雖然唔係苦左好耐。。
其實兩公婆相處。真係要互相遷就~~ 要知道對方脾性。唔好挑戰佢既極限﹗﹗
哈哈~~ 其實我係一個好易喊既人。只要佢大聲少少或者話下我。我就會喊~~
不過佢次次都當我扮喊。之後整色整水。扮鬼扮馬。痴晒線~~(真係勁好笑架﹗)
我地平時就係咁。一發現對方嬲嬲地。就會不斷整色整水。。
不過講真。咁耐以黎都無嘈交。算係幾神奇。。
可能我比較樂觀。咩都無所謂。唔擔心。。
佢就相反。咩都做好準備。所以變左好似好細心咁囉~~
解答左你既疑問未呀No Doubt。。?
以下係一張我喊既相。上個禮拜喇。老公問我幾時做野。我咪喊囉。。
我仲話要搬走呀﹗佢就問我係咪搬落樓下個花糟度。係既。佢聽日落黎探我﹗
我係咪好淒涼呢~~ 我一諗起老公要我做野。我好傷心呀~~~~~
老公 : 你唔記得當日邊個返工通宵無得訓。你就在家高床軟枕。。
邊個自己搭巴士轉幾程車返學返工。每天早7晚10。功課做通頂。你就訓先 ﹗
而家捱到喇。我舒服少少啫。你就唔抵得。叫我揾野做。。。
我會覺得拍拖/ 結婚可以唔嘈交是好好好好難得。聽你咁講﹐真係覺得你同weak 7 好似神一早做定的一對﹐萬分由心底羨慕你地的互相包容同合拍。我就同你地完全相反﹐我同我男友一齊快4年﹐我地除左拍拖既頭一年無咩嘈過交之外﹐我地就the second yr一齊嘈到而家﹐近一年好左好多﹐而家只會2個禮拜嘈一次﹐哭一次….. 我自問自己仲未成熟到會好識體諒對方﹐而佢都係﹐(我地都係21﹐係情格火爆d la……)。不過我同佢都覺得如果有一日無左大家﹐少左個嘈交的對象﹐人生會變得無聊左咁.,……hahaha。而家望就望大家可以一齊成長﹐繼續愛惜大家。
[版主回覆02/23/2008 14:35:00]係架。有d朋友拍拖。成日嘈先開心架。。 耍下花槍就好啦。唔好講說話傷害到對方就ok~~ 其實我都覺得好奇妙。開始左無耐已經覺得好夾。 知道對方諗緊咩。。可能大家既愛情觀都幾相似。。 其實我唔算識體諒佢。只因我性格唔愛嘈交。。 好多野都唔會執著。計較。所以變左無野好嗌。。 有望你同男朋友都快快成長。好似我地咁。笑下又一日。。
真係喊得好淒涼呀~~~ 講真,你地真係好sweetsweet嫁,我打從心底就super羨慕你地 !!!
我都好應該學習下你地o既相處之道,因為平當我唔出聲果陣,菇兄其實係知道我發脾氣,但係….又因為我真係嬲緊佢,佢又唔明喎,我又唔想講出口,費事佢又話我細路女,所以我成日都話冇野 ~~~ 但係我都仍然會唔同佢講野 !!! 最後,大家只會當冇事發生,佢又唔會再問我點解,我又唔會再去explain ~~
不過我地兩個只會得一個人會發脾氣,果個就係我喇 ~~~ 我都係好眼淺,有時唔想講,咪索性喊出黎,又舒服哂咯 !!!
[版主回覆02/23/2008 14:42:00]其實係好應該講既。我咩都講架。。 如果唔講。佢唔知。下次佢又錯同一樣野啦~~ 我地就係咩都講。所以大家唔鐘意咩都知囉。。 我就算喊。玩完。佢整古做怪完。。 之後我都會好認真咁話 : 其實我唔鐘意你咁咁咁講。。。 等佢知道重要性。佢下次就唔敢架喇~~ 哈哈~~ 佢好多時唔鐘意我做既野。又會好認真咁講一次。。 大家就有共識架喇~~ 哈哈~~~
見到你喊成甘,我諗你老公都唔捨得再叫你做野囉~
[版主回覆02/23/2008 14:57:00]佢無再叫過喇。。 其實果日係奶奶講起先架。無啦啦問我會唔會揾野做。 之後又叫我不如跟阿嫂做美容。揾到錢呀之類。。 發錢寒咩﹗我都無興趣。同埋佢唔係第一次講。 我嬲嬲地咪話 "你咁想做。不如你放工揾多份part-time.." 之後老公就提起問我會唔會揾野做。。我咪喊囉。。。 因為個感覺好似好委屈咁。。。 哈哈~~ 件事就係咁喇~~~~
唔係假架喎…..啲眼淚…..真係好淒涼喎
好難得大家都咁珍惜對方, 值得鼓勵
加一句唔好挑戰佢既極限(表達得淋漓盡致)
好慶幸我身邊的人都好好脾氣事事包容我, 但又未至於好似你兩口子咁恩愛囉, 我倆大多數日子都平平凡凡咁渡過(無你地咁好雅慶去慶祝情人節呀, 又周圍遊山玩水, 可能係佢靜我動卦) 不過總好過家無寧日既。我都好珍惜架
祝你倆口子繼續甜蜜落去, 直至白頭到老~阿們! (呀…..我都要呀 )
[版主回覆02/23/2008 14:59:00]其實你地都好恩愛既。包容對方唔係人人做到架~~ 大家都要好好珍惜呀。。 平凡最重要丫嘛。。其實我地平日都好平凡架。。 不過日子就係咁架啦。唔通日日都過山車咁樣好咩~
係呀~講得0岩呀~ 兩個人相處真係要互相遷就呢~~ 一定要互相體量~ 愛情來得不易, 相處係一個更深0既學問~
[版主回覆02/23/2008 15:01:00]係呀。其實以前我都唔係同人相處得好好。。 可能係性格問題。。對方既性格都好緊要。。 有時d人話分手係性格不合。好似好行咁。。 但其實呢樣真係好重要。。 性格不合。幾鐘意都無用。。。
唔好喊啦 我鍾意你笑果d 相多d 有時溝通唔一定要嘈交~~~ 要互相珍惜架ma 你同weak7 要恩恩愛愛呀 唔好再話搬走啦~ 佢都係問一句姐 但佢仲要影你ge 留番比你做證據呀???
[版主回覆02/23/2008 15:11:00]哈哈~ 我無喊喇。都係扭下計。等佢內疚下啫~~ 哈~ 我地都無咩嘈交。都溝通得好好呀。。 加上我倆都唔鐘意家嘈屋閉。。 我話搬走。佢即刻問我係咪搬落樓下支玫瑰隔離呀~ 哈哈~~~ 又話花糟咁細。我好難訓得落。。 佢問一句我要大反應架喇﹗ 唔通等佢再問多幾句咩。。 咁先嚇到佢架嘛~~ 佢而家唔敢再問喇~~
真係羡幕你 哋ah. 我十五嵗開始同我Hunnie拍拖, 今年christmas啱啱好十年. 頭嗰幾年唉交特別多, 因為我同佢性格都一樣, 咁燥. 不過每唉完一次交, 我都覺得大家感情深咗. 次次都係佢tum返我, 無論係我錯都好. 兩年前有咗BB後, 佢變得皮氣好咗好多, 唔知點解!? 而我就好小小la. 好希望有一日好似妳同weak7咁唔會唉交. 我都好耐冇做工la, 從我第一日知道有咗BB後, Hunnie就唔俾我搵工做,同埋要停學, 因為開頭我論盡差D小產. Hunnie一星期返七日, 朝八晚五. 半年前我叫佢唔好做住, 休息 吓. 陪 吓我同兩個仔, 因為BB大得快, 好多時你會錯失咗好多嘢.時間係唔會返番轉頭ga, BB細個我想陪佢 哋多D, 到咗佢 哋大個想陪都唔得la. 希望唔會煩到妳la, 寫咗咁多. 係la, 唔記得同妳講部brother sewing machine今日寄咗嚟la, 都幾好用. Thank You妳之前 回 覆 意見俾我ah.
[版主回覆02/23/2008 16:03:00]點會煩呢~ 你25歲就兩個仔喇~ 利害~~ 停左學。咁生完有無讀返呀??? 其實個個拍拖都唔同。有人鐘意日日嗌。愈嗌愈好感情。。 有人就唔鐘意嗌。但唔嗌交既原因係咩都好緊要架~ 係唔在乎定係包容? 所以每對情侶都有自己既相處方法既。。哈哈。。 部衣車好用就好喇。我先岩岩幫我老公改左褲腳~~
搵工?! 如果你搵份好似我 or 小葵咁0既工你就唔會覺得返工辛苦0架喇~ 等我話比你聽我做咩.. 返工係彈性時間, 8:30 開工, 不過我呢排都系 9:30 先返到 -v- 返工第一間事係上網睇報紙, 然後睇 blog, forum, 之後0個0的每日唔同啦, 睇0下想做0的咩. 小葵呢, 佢好忙0架.. 日日都要 facebook, 睇0下個市, 睇0下報紙咁..
不過當然, 其實對我0黎講都幾算係一份苦差0黎.. 不過.. 唉.. 算啦..
btw.. 我 finally join 0左 monalisa 影相.. 加0左價.. 淨係個 plan 盛惠 9288..
[版主回覆02/24/2008 06:35:00]咁你即係做咩架呢?? 係呀。佢加左價呀。我join果時8888~ 所以你到時選相。記得同佢講送多d野呀﹗﹗
oh~~ 好感動啊~~~~
[版主回覆02/24/2008 06:38:00]傻婆。咁眼淺~ 相處得好先嫁比佢之嘛~ 日日嗌交真係啋佢都傻呀~ 哈哈~~
唔好喊得咁慘啦 好鐘意你講o個一句 花花世界。曖曖昧昧。當然過癮。但明知會失去對方。又係咪值得呢?? 曾經我都做過d咁既野啊
[版主回覆02/24/2008 06:44:00]係呀。細個就個個都鐘意曖曖昧昧架啦~ 我老公好鬼多架之前。哈~ 你見佢咁細心。又識tum女仔就知啦~ 不過同我拍拖之後。就比我萬人斬。。 斬晒所有花花草草 (無錯。公平起見。我d草草都一併斬埋﹗﹗) 就係咁。而家好安樂喇~~ 哈哈~~~