相處之道。。
"你倆總俾人覺得…相處好開心, 好快樂, 好螎合 !!!
究竟, 有冇試過嘈交, 炒大鑊呢 ?"
"求知慾好強"既網友No Doubt今日問左我呢個問題。。
我就響度諗。我同weak7幾時嘈過交呢~~???
答案就係。。開始拍拖既第一個禮拜左右。我地嗌過一次交。。
然後直到而家。都無話嘈過交了。仲一日比一日珍惜大家。。
究竟點解會咁呢?? 其實我都好想知。。
不如講下我地兩個人既性格同相處之道。。
等我自己第時愈變愈野蠻。都記得以前係點。有得跟返。。
我同老公都係好怕麻煩既人。都唔鐘意嘈交。講野大聲。或者黑面。。
我地好明白"己所不欲。勿施於人"呢個道理。拍拖時做所有野前。
諗一諗如果受既係自己。又會唔會開心呢~~???
就係咁。我地拍拖都好尊重對方。。
明白要得到一段好關係。就要放棄花花世界。。
花花世界。曖曖昧昧。當然過癮。但明知會失去對方。又係咪值得呢??
我地初時拍拖。為左呢D花花野嘈過一次。之後。。
我地就連Friendster都兜走埋。幾百個朋友全部揾唔番。都係好既。。
係直至大家感情穩定左。先開始揾返D異性朋友。仲要係無傷害性果隻﹗
即係女仔呢。就唔淮靚女既。把聲又唔好姣既。又要有男朋友既。。
男仔呢。就細過我既。唔靚仔既。唔大隻既。又要有女朋友既。。
哈哈哈~~~~~~ 係喇係喇。即係好安全果D呢~~~~~~
再講。老公未做呢份工之前。我都好辛苦下架﹗﹗
果時佢讀返書。我就一路讀Full-time。又打兩份工。。
不過算佢啦。一返呢份工就叫我唔好再做part-time喇。淨係讀書啦~~
所以而家先咁嘆咋~~ 哈哈~~ 都有D苦盡甘來。雖然唔係苦左好耐。。
其實兩公婆相處。真係要互相遷就~~ 要知道對方脾性。唔好挑戰佢既極限﹗﹗
哈哈~~ 其實我係一個好易喊既人。只要佢大聲少少或者話下我。我就會喊~~
不過佢次次都當我扮喊。之後整色整水。扮鬼扮馬。痴晒線~~(真係勁好笑架﹗)
我地平時就係咁。一發現對方嬲嬲地。就會不斷整色整水。。
不過講真。咁耐以黎都無嘈交。算係幾神奇。。
可能我比較樂觀。咩都無所謂。唔擔心。。
佢就相反。咩都做好準備。所以變左好似好細心咁囉~~
解答左你既疑問未呀No Doubt。。?
以下係一張我喊既相。上個禮拜喇。老公問我幾時做野。我咪喊囉。。
我仲話要搬走呀﹗佢就問我係咪搬落樓下個花糟度。係既。佢聽日落黎探我﹗
我係咪好淒涼呢~~ 我一諗起老公要我做野。我好傷心呀~~~~~
老公 : 你唔記得當日邊個返工通宵無得訓。你就在家高床軟枕。。
邊個自己搭巴士轉幾程車返學返工。每天早7晚10。功課做通頂。你就訓先 ﹗
而家捱到喇。我舒服少少啫。你就唔抵得。叫我揾野做。。。
之前仲有d 花花草草問題成日搞到我同公子唔開心 我都覺得要剷哂d野先有安全感…….哈哈 不過我覺得唔應該我開口……
[版主回覆02/26/2008 13:16:00]咁又無話邊個開口先既。其實每個人都係。 人地唔迫就唔想攪咁多野。真係出現問題既。 好應該走去攪掂佢~~
你地好搞笑又好sweet sweet,好羨慕你地!我就成日都同我隻死佬都成日咬交架!
[版主回覆02/28/2008 05:18:00]唔。可能我怕嘈啦。好多野都唔執著。 都唔知有咩好嘈。。哈哈。。 每對情侶既相處斬唔同既。可能嘈多d又了解多d呢~~
"我仲話要搬走呀﹗佢就問我係咪搬落樓下個花糟度。係既。佢聽日落黎探我﹗" 佢d反應咁好笑梗嘈唔成啦
[版主回覆02/28/2008 17:21:00]又係喎。你講我好岩。。 我地每次都嘈唔成。就因為我地講野都好好笑。。 根本就唔正經。。所以好難嘈到交。。
嘩 好難得係blog倒有咁徹底既相處分享呀
我都偷學到d野 嘻嘻!
“ 男人來自火星 女人來自金星 ” 嘛 大家都將就下 珍惜所愛呀
[版主回覆03/01/2008 12:50:00]哈哈~~ 我諗我同老公都係地球人。通常意見一致~~ 不過講真。我好多時都讓佢架~~ 小事我就佢。大事佢就我咁啦~~ 哈哈~~
妳有了 label, 我一定係妳 fans .哈哈,
比個[[電視框]] 我呀 .
discount . hehe
[版主回覆05/10/2008 02:11:00]哈哈~~~ 關呢篇卜咩事?? 哈哈~~~~~
多謝你ge相處之道分享篇,我又學到野la~~
[版主回覆05/21/2008 04:07:00]係呀。專一同埋信任。好緊要架。。 另外就係要樂觀啦。只要一家人一齊。。 過點樣野生活都係快樂既~~~
o岩o岩發現你o地個blog, 你兩公婆好sweet sweet 呀~~~ 祝日日都咁幸福快樂~~
[版主回覆06/24/2008 01:36:00]哈~~ 歡迎歡迎~~ 我地兩個都ok啦。開開心心又一日架喇~ 可能美國既生活比較悶。無香港咁多姿多采~ 所以我地唯有揾野玩。自娛一番囉~ 好彩有老公同埋朋友。否則在美國悶屎呀~~
今日比我發現到妳個Blog, 睇咗妳同妳老公相處之道真係好好呀! 見到妳真係好幸福呀!
[版主回覆09/09/2008 01:36:00]哈~~ 兩個人相處。除左緣份。自己都要好好珍惜架~
睇晒喇…….你地真係好體諒大家 相反我就唔識體諒我bf…仲會專登做一d佢唔鐘意我做的事…. 所以睇完你呢篇….感受好深…. 可能我仲年輕(我24佢25), 仲想有花花世界….未定性啦….. 所以會亂做野… 變左呢半年黎成日嘈….係咁hurt對方…………… 但又唔=我唔珍惜佢…… anyway~~你呢篇blog對我有好大的反思..thx~
我個頭爆痛請左一日sick leave 睇左成三個鐘"卜" , 一直有睇開,都無 留message,其實係由Kelly有左BB先睇,今日sick leave 之時係屋企無野做就由頭睇番,但睇到呢篇忍唔住要 留幾隻字,係勁好笑!
"即係女仔呢。就唔淮靚女既。把聲又唔好姣既。又要有男朋友既。。
男仔呢。就細過我既。唔靚仔既。唔大隻既。又要有女朋友既。。
哈哈哈~~~~~~ 係喇係喇。即係好安全果D呢~~~~~~ "
[版主回覆05/20/2009 16:51:00](Empty)